Առաջընթաց կա, սակայն Էբոլայի դեմ պայքարը դեռ չի ավարտվել. ԱՀԿ (տեսանյութ)
Առողջապահության համաշխարհային կազմակերպությունից (ԱՀԿ) տեղեկացնում են, որ Արևմտյան Աֆրիկայում Էբոլայի համաճարակի դեմ ձեռնարկված միջոցառումները տվել են իրենց արդյունքը, և վերջին 4 շաբաթում Գվինեայում, Լիբերիայում և Սիերա Լեոնեում վարակի նոր դեպքերի թիվը նվազել է, գրում է euronews.com-ը:
Չնայած դրական նորությանը՝ ԱՀԿ-ն զգուշացնում է, որ պայքարը դեռ ավարտված չէ, քանի որ կազմակերպության դրամական միջոցները փետրվարի կեսերին կսպառվեն:
Կազմակերպությունից հայտնել են, որ իրենք նախատեսում են ևս 5 ամիս պայքարել Էբոլայի դեմ և վարակի նոր դեպքերը հասցնել զրոյի, ինչն անելու համար կոչ են անում բոլորին իրենց դրամական օգնություն տրամադրել:
Նշվում է, որ առ այսօր գրանցվել է 8 641 մահվան և 21 724 վարակի դեպք:










