Թուրքիայում այսօր սուգ է՝ Սաուդյան Արաբիայի թագավորի մահվան կապակցությամբ

13:01 • 24.01.15

Սաուդյան Արաբիայի թագավոր Աբդալլա բեն Աբդել Ազիզ ալ-Սաուդի մահվան կապակցությամբ այսօր Թուրքիայում սգո օր է հայտարարվել, տեղեկացնում է թուրքական «Անադոլու» գործակալությունը:

 

Սաուդյան Արաբիայի առաջնորդի մահվան մասին հայտարարվել էր երեկ: Ավելի վաղ՝ դեկտեմբերին, բժիշկները նրա մոտ թոքաբորբ էին ախտորոշել: Միապետը հոսպիտալացվել էր և բուժզննում անցել:

 

Հայտնի է արդեն Սաուդյան Արաբիայի նոր թագավորի անունը. նա 79-ամյա Սալման իբն Աբդուլ Ազիզ ալ-Սաուդն է: