«Տիտանիկից» փրկված ուղևորի նամակը վաճառվել է 12.000 դոլարով
Բոստոնյան RR աճուրդում վաճառվել է տխրահռչակ «Տիտանիկ» նավից փրկված ուղևորի նամակը։ Այդ մասին հայտնում է Lenta.ru-ն։
Գնորդի անունը, ով նամակի համար 11.875 դոլար է առաջարկել, չի հաղորդվում։
1912 թվականի մայիսին գրված նամակի հեղինակը Լյուսիլ Դաֆ-Գորդոնն է, ով հարուստների համար հագուստի դիզայներ է եղել։ Նա, իր ամուսինը և ևս 10 մարդ փրկվել են 40- տեղանոց նավակով։
Դաֆ-Գորդոնի ամուսնուն մեղադրել են, որ նա կաշառել է անձնակազմի անդամներին՝ նավակով փրկվելու համար։
«Թվում է՝ մենք սխալ ենք վարվել, սա արդյո՞ք խայտառակություն չէ»,- գրել է Դաֆ-Գորդոնը։
«Տիտանիկ» նավը խորտակվել է 1912-ի ապրիլի 14-ի լույս 15-ի գիշերը՝ սառցաբեկորի բախվելուց հետո։ Մահացել է 1.496 մարդ։











