Մոսկովյան ռեստորանում ձերբակալվել է հանցավոր աշխարհի 50 ներկայացուցիչ

Ռուսաստանի ՆԳՆ քրեական հետախուզության գլխավոր վարչության աշխատակիցները կանխել են հանցավոր աշխարհի հեղինակությունների և առաջնորդների հավաքը, գրում է rosbalt.ru-ն։

Ինչպես հայտնել են ՌԴ ՆԳՆ մամուլի ծառայությունում՝ ձերբակալությունը տեղի է ունեցել մայրաքաղաքի Արևելյան շրջանի ռեստորաններից մեկում։

Գերատեսչության տվյալներով՝ քրեական աշխարհի ներկայացուցիչները մտադիր էին քննարկել ազատազրկված անձանց ֆինանսավորումը, ինչպես նաև դրամական միջոցների վերաբաշխումը։

Արդյունքում ձերբակալվել է քրեական աշխարհի 50 ներկայացուցիչ, այդ թվում՝ ադրբեջանցի «օրենքով գող» Յունուսը։