Ս. Լավրովը ադրբեջանցի դիվերսանտի վերադարձման հարցը կարող է քննարկել ԼՂ ղեկավարության հետ. Ս. Օհանյան

13:17 • 27.01.15

Պաշտպանության նախարար Սեյրան Օհանյանին լրագրողները խնդրեցին անդրադառնալ  ՌԴ ԱԳ նախարար Սերգեյ Լավրովի հայտարարությանը, որը վերաբերում էր Ղարաբաղում դատապարտված դիվերսանտներից մեկին Ռուսաստան վերադարձնելու հարցում միջնորդելուն. վերջինս ՌԴ քաղաքացի է:

Նախարարը նշեց, որ այդ հայտարարության  մասին տեղյակ չէ և չի կարծում նման բան ասվել է, սակայն հավելեց. «Միջազգային պրակտիկայում եղել են դեպքեր, երբ որ դատապարտվածները այս կամ այն չափով իրեն դատապարտման տույժերի կրման տարիների մի մասը այս հատվածում և այն հատվածում են կրել։ Այդ հարցը կարող են քննարկել Լեռնային Ղարաբաղի ղեկավարության հետ»,-ասաց նա: