Հայոց բանակի օրվա առթիվ ՀՀ և ԼՂՀ ղեկավարությունն այցելել է Եռաբլուր (ուղիղ)

11:02 • 28.01.15

Հայոց բանակի կազմավորման 23-րդ տարեդարձի օրը Հայաստանի և Լեռնային Ղարաբաղի ողջ քաղաքական ու ռազմական վերնախավը՝ նախագահներ Սերժ Սարգսյանի ու Բակո Սահակյանի գլխավորությամբ,  վաղ առավոտից Եռաբլուր պանթեոնում է՝ հարգանքի տուրք մատուցելու Արցախյան պատերազմի և ադրբեջանական դիվերսիաների ժամանակ զոհվածներին:


Ներկա են նաև Ամենայն հայոց կաթողիկոսը,  ՀՀ վարչապետ Հովիկ Աբրահամյանը,  ՀՀ պաշտպանության նախարար Սեյրան Օհանյանը, ԱԺ նախագահ Գալուստ Սահակյանը, Արցախի պաշտպանության բանակի ղեկավար Մովսես Հակոբյանը, ՀՀ ՊՆ և ԼՂՀ ՊԲ զինվորական ներկայացուցիչներ, պատգամավորներ, քաղաքական գործիչներ,  ազատամարտիկներ: