Ստամբուլի «Ակօս» հայկական շաբաթաթերթը նոր խմբագիր ունի
Ռոբեր Քոփթաշը հեռացել է Ստամբուլի «Ակօս» հայկական պարբերականի գլխավոր խմբագրի պաշտոնից:
Նրա փոխարեն այդ պաշտոնը ստանձնելու է Երվանդ Տանձիկյանը, տեղեկացնում է շաբաթաթերթի կայքը:
Քոփթաշն «Ակօս»-ը ղեկավարել է 5 տարի:
Երվանդ Տանձիկյանը ծնվել է 1969 թվականին՝ Ստամբուլում: Ավարտել է հայկական Մխիթարյան դպրոցը:
Մասնակցել է «Ակօս»-ի ստեղծմանն ու տեղ ունեցել խմբագրակազմում:
Աշխատել է նաև թուրքական NTV և CNBC հեռուստաընկերություններում, հոդվածներ տպագրել Radikal-ում: 2008-ից աշխատում է «Ակօս»-ում:










