ԱՄՆ-ի և Ռուսաստանի միջև սառը պատերազմը կարող է վերաճել «տաքի». Գորբաչով
ԽՍՀՄ նախկին նախագահ Միխայիլ Գորբաչովը հայտարարել է, որ Ռուսաստանի և ԱՄՆ-ի միջև բացահայտ սառը պատերազմ է ընթանում, որը կարող է վերաճել «տաքի», գրում է lenta.ru-ն:
Գորբաչովի խոսքով՝ Վաշինգտոնը Մոսկվային ներքաշել է դիմակայության մեջ՝ «փորձելով բացահայտորեն իրագործել հաղթանակելու վերաբերյալ իր գլխավոր գաղափարը»:
«Ցավոք, ես արդեն չեմ կարող վստահ ասել, որ սառը պատերազմը չի հանգեցնի «թեժ» պատերազմի: Մտածում եմ, որ նրանք (ԱՄՆ) կարող են ռիսկի դիմել»,- հավելել է Գորբաչովը:
Խորհրդային Միության նախկին նախագահը նաև հիշեցրել է Արևմուտքի հակառուսական պատժամիջոցների համար:
«Այժմ Ամերիկայից, Եվրամիությունից միայն լսում ենք Ռուսաստանի նկատմամբ պատժամիջոցների մասին: Նրանք, ինչ է, լրի՞վ են կորցրել գլուխները»,- նշել է նա:










