Ռուսական քաղաքը ջրի խողովակների պայթյունից հետո վերածվել է «սառցե թագավորության» (լուսանկարներ)
Սիբիրի կենտրոնում գտնվող Դուդինկա քաղաքն իր աշխարհագրական դիրքի պատճառով շատ ցուրտ վայր է, որը վերջերս բառի բուն իմաստով վերածվել է «սառցե թագավորության»:

Ինչպես նշում է dailymail.co.uk-ը, պատճառը ջրամատակարարման խողովակաշարի պայթյունն է, ինչը տեղի է ունեցել 0-ից ցածր ջերմաստիճանի պայմաններում:

Ուստի՝ զարմանալի չէ, որ քաղաքի փողոցներ լցված ջուրն ամիջապես սառել է՝ իր մեջ «քարացնելով» մեքենաները, ծառերն ու նստարանները:


Աղբյուրը մանրամասնում է, որ 22.000 բնակչություն ունեցող քաղաքում այդ գիշեր ջերմաստիճանն իջել է -40 աստիճանի: Միջադեպի հետևանքով բազմաթիվ բնակարաններ մնացել են առանց ջրի ու էլեկտրաէներգիայի, ինչպես նաև՝ առանց ինտերնետ կապի:

Ստեղծված իրավիճակի պատճառով տեղի իշխանություններն արտակարգ դրություն են հայտարարել:












