Հոլանդիայում զինված տղամարդը ներխուժել է հեռուստաալիքի ստուդիա և փորձել ուղիղ եթեր մտնել
Հոլանդական Հիլվերսյում քաղաքում զինված տղամարդը ներխուժել է NOS հեռուստաալիքի ստուդիա և ընդհատել երեկոյան լուրերի թողարկումը, գրում է BBC-ի ռուսական ծառայությունը:
Հեռուստաալիքի աշխատակիցները տարհանվել են շենքից:
Հաղորդվում է, որ զինված տղամարդը մտադիր է եղել եթեր դուրս գալ: Նա ատրճանակով անցել է ստուդիա, ինչից հետո նրան ձերբակալել է ոստիկանությունը:
NOS-ի լրատվական ծրագրի ընդհատումների ժամանակ էկրանին է հայտնվել հետևյալ գրությունը. «Այս պահին հեռարձակումը հասանելի չէ՝ հատուկ հանգամանքների պատճառով»:










