Հրանտ Մարգարյանը որևէ վնասվածք չունի, իսկ վթարի ենթարկվելու մասին տեղեկությունն ուռճացված է
ՀՅԴ Բյուրոյի ներկայացուցիչ Հրանտ Մարգարյանը որևէ վնասվածք չունի, իսկ վթարի ենթարկվելու մասին տեղեկությունը ուռճացված է, քանի որ մի մեքենա թեթևակի հարվածել է այն մեքենային, որում եղել է Հրանտ Մարգարյանը:
Այս մասին Tert. am-ին հայտնեց ՀՅԴ բյուրոյից՝ Հրանտ Մարգարյանի գործավարը, ով զրուցել էր նրա հետ՝ տեղեկանալով վթարի մասին լուրին: «Ո՛չ Հրանտ Մարգարյանը, ո՛չ որևէ քաղաքացի չի տուժել»,- ասաց նա։
Նշենք, armtimes.com-ը տեղեկացրել էր, որ «Պրադո» ջիպը, որի մեջ է եղել նաև ՀՅԴ բյուրոյի ներկայացուցիչ Հրանտ Մարգարյանը քիչ առաջ վթարի է ենթարկվել Երևանի Վազգեն Սարգսյանի փողոցում:










