Ինքնահռչակ Լուգանսկի Հանրապետության ողջ տարածքը մնացել է առանց ջրի
Ինքնահռչակ Լուգանսկի Ժողովրդական Հանրապետության բնակիչները մնացել են առանց ջրի, գրում է lenta.ru-ն։
Այս մասին հայտարարել է Լուգանսկի մարզպետ Գենադի Մոսկալը։
Նրա խոսքով՝ դա տեղի է ունեցել Սվետլիչնոյե գյուղի վրա իրականացված կրակահերթերի պատճառով, որտեղ տեղակայված է «Լուգանսկվոդա» ջրընդունիչ կայանը։ Հենց այստեղից է իրականացվում ինքնահռչակ հանրապետության ջրամատակարարումը։
Մարզպետն ասել է, որ շրջանային վարչակազմը կվերանորոգի վնասված հատվածները՝ իր հաշվին։










