Փարիզում հրեական խանութ գրաված ահաբեկիչը նկարահանել է հարձակումը

11:04 • 31.01.15

Ահաբեկիչ Ամեդի Կուլիբալին, ով հունվարի 9-ին 4 մարդու էր սպանել Փարիզում գտնվող հրեական խանութում, տեսախցիկով նկարահանել է հարձակման ողջ գործընթացը, գրում է gazeta.ru-ն՝ CNN-ին հղումով։

 

Ընդհանուր առմամբ՝ Կուլիբալին նկարահանել է 7 րոպեանոց տեսանյութ, ներառյալ պահերը, երբ նա սպանում է երեք պատանդներին։

 

Հատուկ ծառայությունների տվյալների համաձայն՝ նա հասցրել է տեսանյութն ուղարկել էլ-փոստով՝ մինչև հատուկ ուժերի կողմից սպանվելը։

 

Ավելի վաղ հայտնել էին, որ Կուլիբալին գաղտնի թաղվել է Փարիզում, քանի որ Մալին հրաժարվել էր ընդունել իր քաղաքացու մարմինը։