Մադուրոն Բայդենին մեղադրել է Վենեսուելայում պետական հեղաշրջում նախապատրաստելու համար
Վենեսուելայի նախագահ Նիկոլաս Մադուրոն ԱՄՆ փոխնախագահ Ջո Բայդենին մեղադրել է «պետական հեղաշրջման նոր փուլ» գլխավորելու մտադրության համար, տեղեկացնում է Lenta.ru-ն:
«Հյուսիսային կայսրության իշխանությունը հուսահատության վտանգավոր փուլ է մտել: Նա դիմել է մայրցամաքի երկրների կառավարություններին՝ տեղեկացնելով իմ կառավարության տապալման մասին: Ես մեղադրում եմ փոխնախագահ Ջո Բայդենին»,- ասել է նա:
Նախագահ Մադուրոն զգոնության կոչ է արել իր ելույթին ներկաներին:
Ծրագիրը նա «խելագար» է կոչել՝ նախազգուշացնելով բոլոր նրանց, ովքեր մտադիր են դավադրություն կազմակերպել հանրապետության նախագահի դեմ: Նա զինվորականներին կոչ է արել ամեն դեպքում ամրապնդել շարքերը:
Մադուրոն առաջին անգամը չէ, որ այլ երկրների կառավարություններին, ինչպես նաև ընդդիմությանը, մեղադրում է Վենեսուելայում պետական հեղաշրջման փորձ կազմակերպելու համար:










