Սևանա լճի մակարդակը իջել է 5 սմ-ով

15:15 • 03.02.15

Սևանա լճի բացասական հաշվեկշիռը շարունակում է պահպանվել նաև այս տարվա երկրորդ ամսի սկզբին՝  նախորդ տարվա նույն օրվա ցուցանիշին զիջելով 5 սանտիմետրով:


«Արմենպրես»-ին Գավառի «Օրհուս» բնապահպանական տեղեկատվական կենտրոնից հայտնել են, որ 2015 թվականի փետրվարի 2-ի դրությամբ Սևանա լիճը ծովի մակարդակից գտնվել է 1900 մետր 12 սանտիմետր բարձրության վրա՝ նախորդ տարվա նույն ժամանակահատվածում գրանցված 1900 մետր 17 սանտիմետրի փոխարեն:


Սևան թափվող գետերը գտնվում են ձմեռային սակավաջուր փուլում, սակավ են եղել նաև հունվար ամսին Գեղարքունիքի մարզում գրանցված  տեղումները: