Դավութօղլուն խոսել է Թուրքիայում նախագահական կառավարման մոդելի անցնելու անհրաժեշտության մասին

14:25 • 05.02.15

Թուրքիայի վարչապետ Ահմեթ Դավութօղլուն կարևորել է Թուրքիայի կառավարման նախագահական մոդելի անցումը, տեղեկացնում է թուրքական Haber7 կայքը:

 

«Այդ հարցը քննարկվել է վերջին տասը տարիների ընթացքում»,- ասել է Դավութօղլուն:

 

Թուրքիայի նախագահ Ռեջեփ Թայիփ Էրդողանը դեռևս անցյալ տարի՝ վարչապետ եղած շրջանում խոսել է նախագահական համակարգի անցնելու անհրաժեշտության մասին՝ նշելով, որ դա կնպաստի երկրի զարգացմանը:

 

Էրդողանը նշել էր, որ այդ հարցը քննարկվելու է նախագահական ընտրություններից հետո:

 

Այս տարի հունիսին Թուրքիայում խորհրդարանական ընտրություններ են տեղի ունենալու, ինչից հետո էլ, հավանաբար, կդրվի երկրի կառավարման մոդելի փոփոխության հարցը: