Քրդերը Քոբանիի շրջակայքում գտնվող 50 գյուղ են ազատագրել
Քրդական ինքնապաշտպանական ուժերն անցնող 10 օրերի ընթացքում «Իսլամական պետություն» ահաբեկչական խմբավորման զինյալներից ազատագրել են սիրիական Քոբանի քաղաքի շրջակայքում գտնվող 50 գյուղ:
Ինչպես տեղեկացնում է ТАСС-ը, մոտ 350 բնակավայր դեռ շարունակում է զինյալ խմբավորման հսկողության տակ մնալ:
Արևմտյան, հարավային ու արևելյան ճակատներում երեկ քրդերն ավելի քան 30 վարձկան են շարքից հանել` ստանալով միջազգային կոալիցիայի ինքնաթիռների աջակցությունը, որոնք 11 ավիահարված են հասցրել:
Շրջանային վարչության ղեկավար Անվար Մուսլիմի խոսքով՝ քաղաքի շրջակայքը զինյալներից ազատվել է 10-15 կմ շառավղով: Սակայն Թուրքիա փախած Քոբանիի բնակիչների վերադարձը քաղաք դեռ չի սկսվել, հաշվի առնելով, որ քաղաքի շենքերի 90 տոկոսն ավերված է:
Մարտերը շարունակվում են արդեն 133 օր: Քոբանին ծայրահեղականներից հետ վերցնելու մասին հայտնի էր դարձել հունվարի 26-ին:










