ՄԱԿ-ում Դոնբասի ավերածությունների ինտերակտիվ քարտեզն են ստեղծել
Միավորված ազգերի կազմակերպության զարգացման ծրագիրն ու Social Boost հասարակական կազմակերպությունը համատեղ նախագիծ են իրականացրել` ստեղծելով Դոնբասի ավերածությունների ինտերակտիվ քարտեզը, գրում է unian.net-ը:
Ինտերակտիվ քարտեզը հասանելի է Redonbass.org կայքում:
ՄԱԿ-ի զարգացման ծրագիրը (UNDP) մեկնաբանել է, որ այժմ գլխավոր խնդիրներից մեկը բնակելի և հանրային ենթակառուցվածքների ավերածությունների մասին տեղեկացնող հանրամատչելի տվյալների բազայի բացակայությունն է:
Այդ պատճառով նոր նախագիծը թույլ է տալիս վերահսկել ռազմական գործողությունների հետևանքով բնակելի տների, սոցիալական և տնտեսական ենթակառուցվածքների ոչնչացումը Դոնեցկի և Լուգանսկի շրջաններում:
Նախագիծը թույլ է տալիս քաղաքացիներին, պետական մարմիններին և միջազգային կառույցներին անմիջապես քարտեզից ավերածությունների մասին տեղեկատվություն ստանալ:











