Հնդկաստանում առողջապահության նախարարն անտեսել է հիվանդանոցի կողքին ընկած մահամերձին (լուսանկարներ)
Հնդկաստանի Տելանգանա նահանգի առողջապահության նորանշանակ նախարարն իր անտարբերության ու սառնասրտության պատճառով հայտնվել է սկանդալի կենտրոնում:
Լաքշմա Ռեդի անունով պաշտոնյան, այցելելով երկրի բուժհաստատություններից մեկը, անտեսել է հիվանդանոցի կողքին ընկած մահամերձ մարդուն` պարզապես անտարբեր անցնելով նրա կողքով:

Հետաքրքրական է, որ Հայդերաբադ քաղաքում տեղի ունեցած միջադեպը համընկել է նախարարի պաշտոնավորման առաջին օրվա հետ, հայտնում է Daily Mail-ը:

Աղբյուրը մանրամասնում է, որ Ռեդին, այցելելով հիվանդանոց, կոչ է արել բժիշկներին ուշադիր լինել իրենց հիվանդների նկատմամբ, մինչդեռ ինքն անձամբ խուսափել է մեկնաբանել մահամերձ մարդուն անտեսելու դեպքը:











