Ուկրաինայի ճգնաժամի կողմերը համաձայնության են եկել Դեբալցևոյի մոտակայքում հրադադար հաստատելու շուրջ

15:07 • 06.02.15

Կիևի պաշտոնյաները և ռուսամետ անջատողականները հայտարարել են, որ համաձայնության են եկել մարտերի կենտրոնում հայտնված արևելյան Դեբալցևո քաղաքի մոտակայքում կարճատև հրադադար հաստատելու շուրջ, որպեսզի պաշարված խաղաղ բնակիչները կարողանան հեռանալ, հաղորդում է AFP-ն:

 

«Նրանք համաձայնել են ուրբաթ օրը հրադադար հաստատել Դեբալցևոյի մոտակայքում գտնվող տարածքում` քաղաքացիական բնակչության տարհանման համար»,- ասել է Ուկրաինայի ներքին գործերի նախարարության պաշտոնյա Վյաչեսլավ Աբրոսկինը:

 

Անջատողականները հայտնել են իրենց լրատվամիջոցին, որ քաղաքի շուրջ հրադադարը կտևի 7 ժամ: