Բժիշկները պայքարում են նռնակի պայթյունից տուժած երեխայի թե՛ կյանքի, թե՛ նրա ծայրանդամների պահպանման համար
Նորքի 9-րդ զանգվածի 17-րդ շենքի բնակարաններից մեկում պայթեցված նռնակից վնասվածքներ ստացած 4 -ամյա Ելենա Դալլաքյանը երեկ զարկերակային անոթների 8 ժամանոց վիրահատության է ենթարկվել՝ բժիշկ Արտավազդ Սահակյանի ղեկավարությամբ:
Այս մասին Tert.am-ին հայտնեց «Սուրբ Աստվածամայր» բժշկական կենտրոնի ղեկավար Նիկոլայ Դալլաքյանը: «Երեխայի կյանքին լրջագույն վտանգ է սպառնում, ինչպես նաև ծայրանդամներին»,- ասաց Նիկոլայ Դալլաքյանը:
Ի պատասխան հարցի, թե երեխայի ոտքերը կպահպանվեն, բժիշկն ասաց, որ ժամանակ է հարկավոր՝ հասկանալու համար:
Հիշեցնենք, որ ինչպես տեղեկացրել է ոստիկանությունը, Մելիք Գալստյանը վիճաբանելով կնոջ հետ, ինքնաշեն նռնակ է կիրառել, ինչի հետևանքով վնասվածքներ են ստացել փոքրիկը և վերջինիս կինը՝ Անահիտ Խաչատրյանը: Մելիք Գալստյանը բերման է ենթարկվել:










