Վենեսուելայում պետական հսկողության տակ է առնվել մասնավոր սուպերմարկետների ցանցը

13:28 • 07.02.15

Վենեսուելայի նախագահ Նիկոլաս Մադուրոն հրահանգել է Սննդամթերքի պետական գործակալության հսկողությանը փոխանցել Dia Dia սուպերմարկետների մասնավոր ցանցը, հաղորդում է BBC-ի ռուսական ծառայությունը:

 

Նախագահի խոսքով՝ ցանցը պետական հսկողության տակ առնելու մասին որոշումը կայացվել է առաջին անհրաժեշտության ապրանքների սպեկուլյացիաներին դրա ղեկավարության մասնակցության ապացույցներ ձեռք բերելուց հետո:

 

Ստուգումներ են անցկացվել նաև դեղագործական ցանցերից մեկի դեղատներում: Ցանցերի սեփականատերերը ձերբակալվել են երկրի կառավարության դեմ «տնտեսական պատերազմ» իրականացնելու մեղադրանքով:

 

Նախագահը մեղադրում է բիզնես ոլորտին կառավարության որոշումները բոյկոտելու համար: Ընդդիմությունն, իր հերթին, մեղադրում է երկրի իշխանություններին ոչ արդյունավետ քաղաքականություն վարելու համար, ինչը հանգեցրել է հսկայական գնաճի և ապրանքների կտրուկ դեֆիցիտի: