Ինդոնեզիայում 100 հյուրի ներկայությամբ տեղի է ունեցել 2 շների հարսանեկան արարողությունը (լուսանկարներ)
Ինդոնեզիայի Մանադո քաղաքում փետրվարի 8-ին կազմակերպված հատուկ արարողության ժամանակ ամուսնացել են Ալյասկայի մալամուտ ցեղատեսակի 2 շներ, գրում է The Daily Mail-ը:
Հարսանեկան արարողության համար հարսնացուն՝ Յիպան, կրել է սպիտակ զգեստ, իսկ փեսան՝ Բուլսը՝ բաճկոն, սպիտակ վերնաշապիկ և ակնոց:
Շների մարզիչի կողմից կազմակերպված արարողությանը ներկա է գտնվել 100 մարդ:
Ալյասկայի մալամուտ ցեղատեսակի շները չափազանց ուժեղ են, և նրանց ավանդաբար պահել են ծանր բեռներ քարշ տալու համար: Չնայած դրան՝ վերջին տարիներին նրանց ավելի ու ավելի շատ են սկսել պահել որպես ընտանի կենդանի: Նրանք հայտնի են նաև որպես շատ հանգիստ շներ, հազվադեպ են հաչում, ավելի շատ ոռնոցների միջոցով են հաղորդակցվում:
















