Յուրաքանչյուր երկիր պետք է ինքնուրույն որոշի Ուկրաինային զենք տրամադրելու հարցը. ՆԱՏՕ
ՆԱՏՕ-ի յուրաքանչյուր երկիր պետք է ինքնուրույն որոշի՝ Ուկրաինային զենք տրամադրի, թե ոչ, հայտարարել է դաշինքի գլխավոր քարտուղար Ենս Սթոլթենբերգը, գրում է «Взгляд»-ը:
«Դաշինքի յուրաքանչյուր անդամ պետք է ինքնուրույն որոշի»,- ասել է նա իշխող կոալիցիայի մեջ գտնվող Գերմանիայի սոցիալ-դեմոկրատական կուսակցության ղեկավարության հետ հանդիպման ժամանակ:
ՆԱՏՕ-ի գլխավոր քարտուղարը նաև աջակցություն է հայտնել խաղաղ կարգավորմանն ուղղված «նորմանդական» քառյակի ջանքերին:
«Ես 100 տոկոսով աջակցում եմ հրադադար հաստատելու ուղղությամբ տարվող ջանքերին»,- ասել է Սթոլթենբերգը և հավելել, որ խոսքը պետք է լինի ոչ միայն թղթով հրադադարի մասին: Նա հայտարարել է, որ հրադադարի մասին արդեն մեկ համաձայնություն՝ Մինսկի համաձայնությունը հնարավոր չի եղել իրականացնել:










