«Իսլամական պետություն» խմբավորումը փորձում է քիմիական զենք ունենալ

13:36 • 10.02.15

«Իսլամական պետություն» խմբավորումը փորձում է քիմիական զենքին հասանելիություն ստանալ:

 

Ինչպես տեղեկացնում է ТАСС-ը, Քիմիական զենքն արգելող կազմակերպության գլխավոր տնօրեն Ահմեթ Ուզյումջուն հաղորդել է, որ կազմակերպությունը նման տվյալներ ունի:

 

Նա նշել է, թե ստացված տվյալները ստուգված չեն: «Սակայն եթե ԻՊ-ը կարողանա ստեղծել կամ ստանալ քիմիական զենք, ապա դա լուրջ սպառնալիք կլինի»,- ասել է կազմակերպության գլխավոր տնօրենը:

 

«Շատ կարևոր է ապահովել այն նյութերի չտարածումը, որոնցից հնարավոր է քիմիական զենք ստեղծել»,- ասել է նա:

 

Պաշտոնյան կողմ է արտահայտվել միջազգային համակարգում վերահսկողության ամրապնդմանը: