Մինսկում բանակցությունների մասնակիցները հերքել են հրադադարի մասին հաղորդագրությունները

11:39 • 11.02.15

Մինսկում երեքշաբթի օրը հանդիպած Ուկրաինայի հակամարտության կարգավորման հարցով կոնտակտային խմբի մասնակիցները հերքել են հրադադարի ռեժիմ հաստատելու շուրջ համաձայնության ձեռքբերման մասին հաղորդագրությունները, որոնք ավելի վաղ հայտնվել են մի շարք ԶԼՄ-ներում, գրում է Reuters-ի ռուսական ծառայությունը:

 

Մասնավորապես՝ ТАСС գործակալությունը երեքշաբթի երեկոյան՝ վկայակոչելով տեղեկացված աղբյուրի, հայտնել է, որ Ռուսաստանի, Ուկրաինայի, ռուսամետ անջատողականների և ԵԱՀԿ-ի ներկայացուցիչները պայմանավորվել են հրադադար հաստատելու և դա վերահսկելու շուրջ և համաձայնեցրել են ծանր զինատեսակների հեռացման սխեման:

 

Ավելի ուշ ինքնահռչակ Դոնեցկի Ժողովրդական Հանրապետության ներկայացուցիչ Դենիս Պուշիլինը Россия 24 հեռուստաալիքի եթերում ասել է, որ դեռևս վաղ է խոսել որևէ պայմանավորվածության ձեռքբերման մասին և հայտնել է, որ կողմերը դեռևս ընդմիջում են վերցրել: