ԱՄՆ-ի Սենատը հաստատել է Պենտագոնի նոր ղեկավարի թեկնածությունը
ԱՄՆ-ի Կոնգրեսի Սենատը հաստատել է Էշթոն Քարթերի թեկնածությունը Պենտագոնի նոր ղեկավարի պաշտոնում, տեղեկացնում է ТАСС-ը:
Քվեարկությունը դեռևս շարունակվում է, սակայն նրա թեկնածության օգտին արդեն քվեարկել է անհրաժեշտ մեծամասնությունը:
Կողմ է քվեարկել 100 սենատորներից 80-ը, դեմ՝ դեռևս 4-ը:
60-ամյա Քարթերի թեկնածությունն ԱՄՆ-ի ռազմական գերատեսչության ղեկավարի պաշտոնում առաջադրել էր երկրի նախագահ Բարաք Օբաման՝ անցյալ տարեվերջին:
2011-2013 թվականներին նա զբաղեցրել է Պենտագոնի ղեկավարի առաջին տեղակալի պաշտոնը: Նա համարվում է փորձառու ղեկավար և վայելում է ամերիկացի օրենսդիրների աջակցությունը: Ակնկալվում է, որ Սենատն ամբողջական կազմով նրան շուտով կհաստատի Պենտագոնի նոր ղեկավարի պաշտոնում:










