Ուկրաինայի հակակոռուպցիոն բյուրոն վրացի կգլխավորի

15:25 • 13.02.15

Վրաստանի գլխավոր դատախազի նախկին տեղակալ, խորհրդարանի պատգամավոր Դավիդ Սակվարելիձեն անուղղակի կերպով հաստատել է, որ համաձայնել է գլխավորել Ուկրաինայի հակակոռուպցիոն բյուրոն։

 

Մի շարք ուկրաինական ԶԼՄ-ների տեղեկություններով՝ այդ պաշտոնից ավելի վաղ հրաժարվել է Վրաստանի նախկին նախագահ Միխեիլ Սաակաշվիլին, գրում է newsgeorgia.ru-ն։

 

Համաձայն ոչ պաշտոնական տեղեկության՝ այդ նոր պաշտոնում Սակվարելիձեի տեղակալները կլինեն Վրաստանի արդարադատության նախկին նախարար Զուրաբ Ադեիշվիլին և Գիզո Ուգլավան։ Հայտնի է նաև, որ Սակվարելիձեն արդեն դիմել է Ուկրաինայի քաղաքացիություն ստանալու համար։

 

«Սիրելիներս, երկար մտածելուց և քննարկումներից հետո, ես իմ թիմի հետ որոշում կայացրեցի համաձայնել ընկերների և գործընկերների խնդրանքին և ներառվել Ուկրաինայում կոռուպցիայի դեմ պայքարող ինստիտուտների կառուցման գործում»,- գրել է Սակվարելիձեն Facebook սոցկայքում։