Նյու Յորքը պատրաստվում է վերջին 20 տարում ամենացուրտ օրվան (լուսանկար)
Ամերիկյան Նյու Յորք քաղաքի ուղղությամբ են շարժվում արկտիկական սառը օդային հոսանքները, ինչի հետևանքով քաղաքում սպասվում է անցած 20 տարվա ընթացքում ամենացուրտ օրը:

Ինչպես նշում է The Daily Mail-ը, ըստ օդերևութաբանների կանխատեսման՝ կիրակի օրը ջերմաստիճանը հասնելու է -21 աստիճան ցրտի` ըստ Ֆարենհեյթի սանդղակի:

Բացի այդ՝ սպասվում են ուժգին քամիներ, որոնց արագությունը հասնելու է 100կմ/ժ-ի: Դրանք մեծ վտանգ են ներկայացնում բնակչության համար, քանի որ կարող են տապալել ծառերը, խափանել էլեկտրամատակարարումը:

Նյու Յորքի քաղաքապետ Բիլ դե Բլազիոն կոչ է արել բնակիչներին հանգստյան օրերին տնից դուրս չգալ ` սեփական առողջությունը չվտանգելու համար:










