Մամեդյարովը կմեկնի Վրաստան
Ադրբեջանի արտգործնախարար Էլմար Մամեդյարովը փետրվարի 19-ին երկօրյա այցով մեկնելու է Թբիլիսի:
Ինչպես տեղեկացնում է ադրբեջանական contact.az-ը, այդ մասին հայտնել է Վրաստանի արտգործնախարարության մամուլի խոսնակ Դավիդ Կերեսելիձեն:
«Ադրբեջանը մեր ռազմավարական գործընկերն է ու խոշորագույն առևտրային գործընկերներից մեկը: Մենք քննարկելու շատ հարցեր ունենք էներգետիկայի, տնտեսության, տրանսպորտի ոլորտներում, և մեծ նշանակություն ենք տալիս այդ այցին»,- հայտարարել է Կերեսելիձեն:
Նրա խոսքով՝ Վրաստանում Մամեդյարովը կհանդիպի երկրի ղեկավարության հետ և կքննարկի առկա և ապագա համատեղ ծրագրերը:










