Մոնղոլիան Ռուսաստանի առաջատար գործընկերներից է. Նարիշկին
Ռուսաստանն ու Մոնղոլիան չունեն որևէ քաղաքական խնդիր, որը կարող էր խանգարել երկու երկրների միջև համագործակցության զարգացմանը, երկուշաբթի հայտարարել է ՌԴ պետական դումայի նախագահ Սերգեյ Նարիշկինը, փոխանցում է «ՌԻԱ Նովոստի» գործակալությունը։
Փետրվարի 15-16-ը Նարիշկինը պաշտոնական այցով գտնվում է Մոնղոլիայում: Երկրի վարչապետ Չիմեդիյն Սայխանբիլեգի հետ հանդիպման ժամանակ Նարիշկինը նշել է, որ Մոնղոլիան Ռուսաստանի համար առաջատար ռազմավարական դաշնակիցներից է:
Նրա խոսքով՝ միջազգային քաղաքականության հարցերի մեծ մասի դեպքում Ռուսաստանը և Մոնղոլիան միանման կամ շատ մոտ դիրքորոշում ունեն:










