Հայը Փերինչեքի կուսակցությունում պաշտոն է ստացել

16:26 • 16.02.15

Այսուհետ Թուրքիայում բնակվող ազգությամբ հայը թուրք ազգայնական Դողու Փերինչեքին կարող է ընդհատել՝ ասելով. «Պարոն Դողու, Ձեր ժամանակը սպառվել է»:

 

Ինչպես տեղեկացնում է թուրքական Oda TV-ն, ազգությամբ հայ Սարգիս Քըսաօհանյանը Փերինչեքի ղեկավարած Աշխատավորական կուսակցության ղեկավարման խորհրդում պաշտոն է ստացել:

 

Ի դեպ, կուսակցության համագումարի ընթացքում որոշվել է փոխել կուսակցության անվանումը. Աշխատավորական կուսակցությունն այսուհետ կոչվելու է «Հայրենիք»՝ Vatan:

 

Երիտասարդ Սարգիս Քըսաօհանյանը Փերինչեքի կուսակցությանն անդամակցել էր ընդդիմադիր Ժողովրդահանրապետական կուսակցության՝ Անթալիայի երիտթևից հրաժարական տալուց հետո: