Մեքսիկական Կոլիմա հրաբուխը 2 կմ բարձրությամբ մոխրի ամպ է գոյացրել (լուսանկարներ, տեսանյութ)
Մեքսիկայի Կոլիմա հրաբխի խառնարանում հզոր պայթյուն է տեղի ունեցել, ինչի հետևանքով մթնոլորտ է արտանետվել մոխրի ու գոլորշու հսկայական ամպ:
Ինչպես նշում է tass.ru-ն, քաղաքացիական պաշտպանության ներկայացուցիչները տեղեկացրել են, որ ամպի բարձրությունը 2.000 մ է:
Փորձագետների կարծիքով` հրաբխի այսչափ ակտիվացումը դեռևս վտանգ չի ներկայացնում բնակչության համար:
Աղբյուրը հավելում է, որ ծովի մակարդակից 4.000 մ բարձրության վրա գտնվող հրաբուխն արդեն 500 տարի շարունակ ակտիվ վիճակում է:













