Աշխարհում Էբոլայով վարակվածների թիվը հասել է 23.000-ի. ԱՀԿ

10:51 • 17.02.15

Էբոլա վիրուսով վարակվածների թիվը փետրվարի 13-ից ի վեր ավելացել է 183-ով, իսկ մահացածների թիվը հասել է 100-ի։ Այդ մասին են վկայում Առողջապահության համաշխարհային կազմակերպության հրապարակած տվյալները, հայտնում է segodnya.ua-ն։

 

Համաճարակի սկսվելուց ի վեր Գվինեայում, Լիբերիայում և Սիերա Լեոնեում մահացել է 9.353 մարդ, վարակվել է 23.182-ը։

 

Լիբերիայում զոհերի թիվը հասել է 3.900-ի, վարակվածներինը՝ 9.007-ի։ Սիերա Լեոնեում մահացել է 3.401 մարդ, սակայն վարակվածներն ավելի շատ են, քան մեկ այլ երկրում՝ 11.074 մարդ։

 

Գվինեայում էապես քիչ է, քան այլ պետություններում՝ 3.101 և 2052 վարակված և մահացած մարդ` համապատասխանաբար։

 

Վարակվելու դեպքեր գրանցվել են նաև Մալիում, Նիգերիայում, Սենեգալում, Իսպանիայում, Մեծ Բրիտանիայում և ԱՄՆ-ում։