Ցեղասպանության խնդիրը համազգային է, այստեղ իշխանություն–ընդդիմություն չկա. Գագիկ Ջհանգիրյան
ԱԺ «Հայ ազգային կոնգրես» խմբակցության անդամ Գագիկ Ջհանգիրյանը չցանկացավ մեկնաբանել Գագիկ Ծառուկյանի հայտարարությունը, որում նա ասում է, որ առճակատման գնալը ճիշտ ճանապարհ չէ։
«Ես տեղյակ չեմ՝ ինչ է ասել, ինչ է տեղի ունեցել, դուք տեսաք, որ ես քննարկման էի մասնակցում, հիմա ես կծանոթանամ, մի հատ կհավաքվենք, կքննարկենք, Ձեզ անպայման «Կոնգրեսը» իր կարծիքը կներկայացնի»,- ասաց Գագիկ Ջհանգիրյանը:
Ի պատասխան Լևոն Տեր-Պետրոսյանի՝ Սերժ Սարգսյանին ուղղված նամակի մասին հարցին, ՀԱԿ անդամը վերաարձանագրեց, որ այն նվիրված է Հայոց ցեղասպանության 100-ամյա տարելիցին:
«Եվ դա համազգային հարց է, իշխանություն, ընդդիմություն այդտեղ չկա: Եվ եթե ուշադիր ծանոթացել եք՝ ինքը հենց իր նամակի մեջ այդ ակնարկներն է անում, որ սա չի կարելի քննարկել քաղաքական հարթության մեջ, սա համազգային, ողջ հայ ժողովրդի համար կարևորություն ներկայացնող հարց է, և ինքը՝ որպես այդ դաշտի գիտակ ,որպես պատմաբանասեր, իր կարծիքը հայտնել է»,- մեկնաբանեց ՀԱԿ անդամը:
Հիշեցնենք, որ Լևոն Տեր-Պետրոսյանն առաջարկել էր Հայոց ցեղասպանության հռչակագրի շուրջ միասնական դիրքորոշումներ վերաձևակերպել և դրա համար առաջարկել հանդիպել Սերժ Սարգսյանին:










