Վրաստանի ԱԳՆ-ն քննադատել է ՌԴ-ի և Հրվ. Օսիայի միջև սահմանի մասին պայմանագրի ստորագրումը
Վրաստանի արտաքին գործերի նախարարությունը քննադատել է Ռուսաստանի և Հարավային Օսիայի միջև պետական սահմանի մասին պայմանագրի ստորագրումը, գրում է РИА Новости-ն։
«Արտաքին գործերի նախարարությունը քննադատում է տվյալ փաստը և գնահատում այն որպես հերթական գործողություն, որն ուղղված է Վրաստանի ինքնիշխանության և տարածքային ամբողջականության դեմ, ինչպես նաև՝ միջազգայնորեն ճանաչված սահմանների փոփոխության արհեստական փորձ»,- ասվում է նախարարության հայտարարությունում։
Ցխինվալի շրջանը Վրաստանի անքակտելի մասն է և «իրենից չի ներկայացնում միջազգային իրավունքի անկախ սուբյեկտ», հայտարարել է գերատեսչությունը։
Հիշեցնենք, որ երեկ Ռուսաստանի և Հարավային Օսիայի արտաքին գործերի նախարարները Մոսկվայում պետական սահմանի մասին պայմանագիր են ստորագրել։










