ԻՊ-ի ոստիկանությունը ձերբակալել է բուրքա կրող մի կնոջ՝ պատճառաբանելով, որ նրա աչքերը շատ են երևում (լուսանկարներ)
Al-Merced ոչ կառավարական կազմակերպության զեկույցի համաձայն՝ Սիրիայում մի կին և երկու տղամարդ է ձերբակալվել «Իսլամական պետություն» ահաբեկչական կազմակերպության անդամների կողմից, գրում է Daily Mail-ը:
Նշվում է, որ ոստիկանները հարձակվել են կնոջ վրա և մեղադրել նրան աչքերը չափից դուրս ցույց տալու համար, մինչդեռ կինը կրել է մուսուլմանական բուրքա (փարանջա) հանդերձանքը, որը ծածկում է կրողի մարմինը ոտքից գլուխ:
Հարձակման ժամանակ պատահական անցորդները միջամտել են՝ սաստելով ոստիկանությանը, ովքեր ձերբակալել են կնոջը և երկու տղամարդկանց:
Վկաները պատմում են, որ այն անձինք, ովքեր խախտում են ահաբեկիչների կողմից Իրաքի Մոսուլ քաղաքում սահմանված հագնվելու կանոնները, պատժվում են՝ երկաթե ձողերով ծեծի ենթարկվելով:
Ըստ կանոնների՝ կանայք պետք է մշտապես կրեն իրենց մարմինը ծածկող բուրքաներ և առանց տղամարդու ուղեկցության՝ դուրս չգան հանրային վայրեր, այլապես կպատժվեն:
Կարդացեք նաև՝ Ինչպես պետք է հագնվեն կանայք մուսուլմանական տարբեր երկրներում. հարցման արդյունքներն՝ աղյուսակով












