Մենք այստեղ ենք, իսկ մեր գործընկերներն այլ քաղաքական գործընթացի մեջ են. Արմեն Մարտիրոսյան
«Ժառանգություն» կուսակցության փոխնախագահ Արմեն Մարտիրոսյանը լրագրողների հետ զրույցում հայտնեց, որ ինքը մարտի մեկին իր կուսակցական ընկերների հետ լինելու է Տավուշի մարզում:
Նա հայտարարեց, որ «Բարգավաճ Հայաստանի» ներսում որևէ խառնակիչ չի նկատել: Հարցին, թե նա է՞լ է ըմբռնումով մոտենում այդ կուսակցության ղեկավար Գագիկ Ծառուկյանի հայտարարությանը` Մարտիրոսյանը պատասխանեց. «Հարցը ըմբռնումով մոտենալը չէ: Մենք լրիվ այլ շրջանակում ենք գործում, հիմա մեզ պետք է ինֆորմացիա ունենալ՝ ինչ է եղել, որ հասկանանք՝ ինչ է տեղի ունեցել»,-ասաց նա նշեց, որ իրենք եռյակ կոչված ձևաչափը չեն խախտել:
«Ժառանգության» անդամը շեշտեց, որ իրենք շարունակելու են բաց մնալ բոլոր քաղաքական ուժերի հետ համագործակցության համար:
«Մենք այստեղ ենք, իսկ մեր գործընկերները այլ քաղաքական գործընթացի մեջ են»,-ասաց նա` նկատի ունենալով եռյակի մյուս ուժերին:
Ինչ վերաբերում է Ցեղասպանության համազգային հռչակագրի վերաբերյալ ՀՀ առաջին նախագահ Լևոն Տեր-Պետրոսյանի բաց նամակին՝ ուղղված ՀՀ Նախագահ Սերժ Սարգսյանին` Արմեն Մարտիրոսյանն ասաց. «Նամակը գործընթացին չէր կարող նպաստել»:










