Նոր ծեծկռտուք Թուրքիայի խորհրդարանում (լուսանկարներ, տեսանյութ)

12:48 • 20.02.15

Թուրքիայի ազգային մեծ ժողովում երկրի ներքին անվտանգության փաթեթի քննարկման ընթացքում դարձյալ ծեծկռտուք է տեղի ունեցել:

 

Ինչպես տեղեկացնում է թուրքական Sozcu պարբերականը, Թուրքիայի ընդդիմադիր Ժողովրդահանրապետական կուսակցության պատգամավոր Օրհան Դյուզգունին իշխող «Արդարություն և զարգացում» կուսակցության պատգամավորներն աստիճաններից ցած են գլորել:

 

ԺՀԿ-ական պատգամավոր Սեզգին Թանրըքուլոն ելույթի ժամանակ վիճաբանել է ԱԶԿ-ական պատգամավոր Մահիր Ունալի հետ:

 

Դրանից հետո էլ սկսվել է ծեծկռտուքը:

 

Հիշեցնենք, որ Թուրքիայում նույն փաթեթի քննարկման ժամանակ ծեծկռտուք էր տեղի ունեցել նաև օրեր առաջ, ինչի հետևանքով վիրավորվել էր քուրդ պատգամավոր:

 

 


CHP'li Orhan Düzgün'ün merdivenlerden düşme anı! by Sozcu