Վոլգոգրադում ՀՀ քաղաքացուց թմրանյութ են առգրավել

16:38 • 20.02.15

ՌԴ Վոլգոգրադ քաղաքի ճանապարհային ոստիկանության աշխատակիցները կանգնեցրել են «Լադա-Պրիորա» մակնիշի ավտոմեքենան, որի ղեկին եղել է Հայաստանի Հանրապետության 26-ամյա քաղաքացի, հայտնում է vv-34.ru-ն։

 

Մեքենայի զննման ընթացքում շունը հետևի նստատեղի տակ փաթեթ է հայտնաբերել, որում բուսական ծագման նյութ է եղել: Մեքենայի տերը փորձել է փախուստի դիմել, սակայն օրենքի պահապանները բռնել են նրան:

 

Փորձաքննության ընթացքում պարզվել է, որ փաթեթում 44.09 գրամ մարիխուանա կա:

 

Ձերբակալվածը խոստովանել է, որ չի ցանկացել վաճառել թմրանյութը և ինքն է օգտագործել այն։