Դուբայում հրդեհ է բռնկվել աշխարհի ամենաբարձր բնակելի շենքերից մեկում (տեսանյութ)

09:29 • 21.02.15

Արաբական Միացյալ Էմիրությունների խոշորագույն քաղաք Դուբայում հրդեհվել է աշխարհում ամենաբարձր բնակելի շենքերից մեկը, մոտ 1.000 մարդ տարհանվել է։ Այս մասին հայտնում է lenta.ru-ն՝ The Independent-ին հղումով։

 

Հրդեհը մարվել է բռնկվելուց 3 ժամ անց։

 

Մոտ 336 մետր բարձրությամբ և The Torch անունով հայտնի շենքում հրդեհը բռնկվել էր 50-րդ հարկում և տարածվել ավելի քան 20 հարկում։ Բնակիչներն անհապաղ տարհանվել էին։

 

Որն է եղել հրդեհի բռնկման պատճառը՝ չի հաղորդվում։



Երկնաքերը Դուբայում կառուցվել է 2011-ին և ճանաչվել է աշխարհում ամենաբարձր բնակելի շենքերից մեկը։