Մոսկվայում հանգստյան գոտում գայլը հերոինի խոշոր թաքստոց է «հսկել»

14:05 • 21.02.15

Մոսկվայում հանգստյան գոտում հայտնաբերվել է հերոինի խոշոր թաքստոց, որը գտնվել է գայլի վանդակում և հսկվել կենդանու կողմից, գրում է rg.ru-ն:

 

Մոսկվայի ոստիկանները ձերբակալել են հերոինի վաճառքով զբաղվող երկու անձանց, ովքեր բնակվել են Օչակովո-Մատվեևսկոյե շրջանում գտնվող մասնավոր հանգստյան բազայում:

 

Տարածքում փոքր կենդանաբանական այգի էր ստեղծվել, որտեղ պահվել են վայրի խոզեր և գայլ:

 

Երկու թմրավաճառներն էլ Տաջիկստանից ժամանած հարազատ եղբայրներ են, հայտնում է Interfax.ru-ն:

 

Նշվում է, որ նրանք Տաջիկստանից խոշոր չափերի հասնող հերոինի չափաբաժիններ են ներկրել Ռուսաստան, որտեղից էլ իրացրել են թմրանյութը:

 

Նրանց բնակավայրից առգրավվել է 8կգ հերոին:

 

Հարուցվել է քրեական գործ, նրանց սպառնում է 15-20 տարվա ազատազրկում: