Տեխասի բանտերից մեկում 2000 կալանավորներն անկարգություններ են հրահրել
ԱՄՆ Տեխաս նահանգում գտնվող Ռեյմոնդվիլ քաղաքի բանտերից մեկում ավելի քան 2000 բանտարկյալներ շուրջ երկու օր բողոքել են բժշկական սպասարկման վատ որակից, գրում է Reuters-ը:
Իրավապահ մարմինները բանտի անվտանգության աշխատակիցների հետ համատեղ մի կերպ կարողացել են հանդարտեցնել անկարգությունները և վերահսկողության տակ առնել իրավիճակը:
Նշվում է, որ անկարգությունների հետևանքով տուժածներ չկան: Բանտարկվածները հիմնականում ԱՄՆ ապօրինի ներգաղթյալներ են՝ Մեքսիկայից, որոնց և բանտի անվտանգության ծառայության աշխատակիցների միջև բախումները սկսվել էին փետրվարի 20-ին:
Բանտարկյալները հավաքվել են զբոսանքի համար նախատեսված բակում և այրել են մի քանի վրաններ, որոնք ծառայում էին, որպես բանտի կացարան:
Պահակներին հաջողվել է հանդարտեցնել անկարգությունները արցունքաբեր գազ կիրառելուց հետո միայն:











