Ուղիղ եթերում հսկայական ալիքը հարվածում և տապալում է ֆրանսիացի լրագրողին (տեսանյութ, լուսանկարներ)
Ֆրանսիացի լրագրողը, ով եղանակի վերաբերյալ ռեպորտաժ էր պատրաստում, սեփական փորձից հասկացել է, որ ուղիղ եթերում կարող է ամեն ինչ պատահել, գրում է Daily Mail-ը:
Ֆանի Ագոստինին Ֆրանսիայի հյուսիս-արևմուտքում գտնվող Սեն-Մալոյում BHMTV լրատվական ցանցի համար հաղորդում է պատրաստելիս եղել, երբ Լա Մանշից եկած հսկայական ալիքը նրան հարվածել և տապալել է գետնին: Միևնույն ժամանակ օպերատորը, ով նկարահանել է լրագրողին, կարողացել է ոտքի վրա կանգնած մնալ:
Այդ պահն ուղիղ եթերով հազարավոր մարդիկ են տեսել:
Այս տեսարանը նկարահանել է անցորդներից մեկը, ով այնուհետ տարածել է դեպքի տեսագրությունը:
Լրագրողը դեռ մի քանի վայրկյան էր, ինչ սկսել էր հաղորդումը, երբ շրջվել և տեսել է, թե ինչպես է մեծ ալիքը մոտենում: Այդ ընթացքում մոտակայքում գտնվող մարդիկ սկսել են հեռու վազել, իսկ լրագրողը շրջվել է դեպի տեսախցիկը և փորձել շարունակել իր խոսքը, ինչից հետո ալիքը նրան տապալել է գետնին:
Լրագրողն, այնուամենայնիվ, նորից կանգնել է և շարունակել եթերը՝ ծիծաղելով իր հետ կատարվածի վրա:













