Պուտինը Ցիպրասի հետ կքննարկի Հունաստանը «Թուրքական հոսքին» միացնելու հնարավորությունը

17:43 • 08.04.15

Ռուսաստանի նախագահ Վլադիմիր Պուտինը Հունաստանի վարչապետ Ալեքսիս Ցիպրասի հետ կքննարկի Հունաստանը ռուս-թուրքական «Թուրքական հոսք» գազային նախագծին միացնելու հարցը, տեղեկացնում է gazeta.ru-ն:

 

«Դա Հունաստանին թույլ կտա զգալի օգուտ ստանալ Եվրոպա արտահանվող գազի տարանցումից և կապահովի երկրի և ընդհանուր տարածաշրջանի անվտանգությունը»,-ասված է նյութերում:

 

Բանակցությունների ընթացքում կողմերը կարող են քննարկել նաև «Ռուսական երկաթուղիների» մասնակցությունը հունական ձեռնարկությունների, մասնավորապես՝ Սալոնիկ նավահանգստի և երկաթուղային ընկերությունների սեփականաշնորհման տենդերին:

 

Ավելի վաղ հաղորդվել էր, որ հունական իշխանությունները Ռուսաստանից ֆինանսական օգնություն չեն խնդրել: