Գլենդելի ընտրություններում հաղթեցին Հայ դատի հանձնախմբի թեկնածուները

01:35 • 09.04.15

«Հայ դատի» հանձնախմբի աջակցությունն ստացած թեկնածուները հաղթել են Գլենդելի՝ ապրիլի 7-ին տեղի ունեցած ընտրություններում:


Ինչպես հայտնում է Asbarez-ը` նախնական տվյալներով՝ Գլենդելի քաղխորհրդի երկու տեղի համար պայքարում թեկնածուներից հաղթանակ են տարել  Վարդան Կարապետյանը՝ 6507 ձայնով, Փոլա Դիվայնը` 8246 ձայնով, որոնք ստացել են Հայ դատի հանձնախմբի աջակցությունը:



Գլենդելի Կրթական Միացյալ Խորհրդի համար ընտրվել են Նաիրի Նահապետեանը՝ 9195 ձայնով, և  Ջենիֆեր Ֆրիմոնը:


Գլենդելի Հանրային Քոլեջի հոգաբարձուների խորհրդի համար ընտրվել են Վահե Փիրումյանը՝ 8199 ձայնով, և Թոնի Թարթալյանը՝ 9059 ձայնով:


Նշվում է, որ այս թեկնածուներին ևս ակտիվորեն սատարում էր Գլենդելի Հայ Դատի հանձնախումբը: