Թռիչքի ժամանակ կայծակը հարվածել է ուղևորատար Boeing-757-ին (լուսանկարներ)

12:54 • 10.04.15

Ռեյկյավիկ-Դենվեր չվերթն իրականացնող իսլանդական Icelandair ավիաընկերության ինքնաթիռին կայծակ է հարվածել։ Պատահարը տեղի է ունեցել ապրիլի 8-ին, հայտնում է Корреспондент-ը։

 

Կայծակը հարվածել է Boeing-757 ինքնաթիռին Ռեյկյավիկի Կեֆլավիկ օդանավակայանից դուրս գալուց անմիջապես հետո։ Քանի որ օդանավի համակարգերը չեն արձագանքել հարվածին, հրամանատարը որոշել է շարունակել թռիչքը։

 

Կայծակի հարվածի հետևանքով առաջացած անցքը նկատել են միայն վայրէջք կատարելուց հետո։ Ինքնաթիռն ուղարկվել է վերանորոգման։ Ուղևորներից և անձնակազմի անդամներից ոչ ոք չի տուժել։

 

Փորձագետների համաձայն՝ նման վնասվածքները չափազանց հազվադեպ են լինում, քանի որ ժամանակակից օդանավերի արտաքին ծածկը նախատեսված է կայծակի հարվածին դիմակայելու համար։

 

The journey from Reykjavik to Denver is about 3,740 miles. Passengers on the plane said the lightning struck shortly after takeoff