Կայծակի հետևանքով Մալայզիայի հինդուիստական տաճարում անձրևից պատսպարված 2 մարդ է մահացել
Մալայզիայի Բատու Կավան կղզում գտնվող հինդուիստական տաճարին կայծակի հարվածի հետևանքով երկու մարդ է մահացել, ևս չորսը վնասվածքներ են ստացել, գրում է gazeta.ru-ն՝ New Straits Time-ին հղումով:
Մեկ բանվոր և գործարար փորձել են անձրևից փախչել և պատսպարվել նորակառույց տաճարում, սակայն կայծակի հարվածից տեղում մահացել են:
Կայծակի հետևանքով տուժածներից մեկը գտնվում է ծայրահեղ ծանր, իսկ մյուս երեքը՝ կայուն վիճակում:











