Բեռլինը դեմ է Վլադիմիր Պուտինի մասնակցությանը G7-ի գագաթնաժողովին

20:13 • 12.04.15

Գերմանիայի ԱԳ նախարար Ֆրանկ Վալտեր Շտայնմայերը  դեմ է արտահայտվել Ռուսաստանի Նախագահ Վլադիմիր Պուտինի մասնակցությանը G7-ի գագաթնաժողովին, որը կանցկացվի 2015- հունիսին Բավարիայում:

Ինչպես գրում է Корреспондент-ը` Գերմանիայի ԱԳ նախարարի խոսքը մեջբերում է գերմանական Welt am Sonntag պարբերականը:

«Մեր շահերից չի բխում  Ռուսաստանի երկարատև մեկուսացումը, սակայն Ղրիմի անօրինական միակցումից  հետո մենք չենք կարող պարզապես ձևացնել, որ ոչինչ տեղի չի ունեցել և գործերը վարել սովորականի պես», - հայտարարել է Շտայնմայերը:

Նրա խոսքով` Մեծ ութնյակի ձևաչափին հնարավոր կլինի վերադառնալ միայն Ռուսաստանի կողմից Մինսկի  համաձայնագրերի իրականացումից հետո:

G7-ի գագաթնաժողովին Վլադիմիր Պուտինին հրավիրելու նախաձեռնությամբ ավելի վաղ հանդես էր եկել Բունդեսթագում «ձախականների»  խմբակցության առաջնորդ  Գրեգոր Գիզին, ում խոսքով՝ առանց Ռուսաստանի հակամարտությունը կարգավորել հնարավոր չի լինի: