Պուտինը կհանդիպի Աբասի հետ՝ պաղեստինա-իսրայելական խնդրի կարգավորման հեռանկարները քննարկելու համար
Ռուսաստանի նախագահ Վլադիմիր Պուտինը բանակցություններ կանցկացնի Պաղեստինի առաջնորդ Մահմուդ Աբասի հետ, ով աշխատանքային այցով կլինի Ռուսաստանում։
Ինչպես հայտնում են Կրեմլի մամուլի ծառայությունից՝ «բանակցությունների ընթացքում առաջնորդները կքննարկեն ռուս-պաղեստինյան հարաբերությունների հիմնական հարցերը, կդիտարկեն դրանց հետագա զարգացման ուղիները», փոխանցում է ՏԱՍՍ գործակալությունը։
Պետությունների ղեկավարները հատուկ ուշադրություն կդարձնեն Մերձավոր Արևելքի և Հյուսիսային Աֆրիկայի ընթացիկ իրավիճակին, կքննարկեն պաղեստինա-իսրայելական խնդիրը։










